Сабага Россиянең 6 төбәгеннән иң көчле яшь теннисчылары килде
10-13 июнь көннәрендә Саба-Арена спорт мәктәбендә «Россиянең киләчәге» программасы кысаларында 16 яшькә кадәрге егетләр һәм кызлар арасында өстәл теннисы буенча «Без бергә» бөтенроссия спорт ярышлары узды
Ярышларда Россиянең 6 төбәгеннән (Татарстан, Башкортостан, Удмуртия, Чувшия,Самара өлкәсе) 63 егет һәм 58 кыз катнашты: Егетләр арасындагы турнирның җиңүчесе Ринат Абушаев(Казан), икенче баскычка Марат Гибатов(Казан), пьедесталның өченче баскычына Самарадан Александр Горбунов күтәрелде. Кызлар арасында Ижевскидан Софья Ефимова җиңүче булды, пьедесталның икенче баскычына якташы Софья Камашева күтәрелде. Өченче урын өчен матчта Казаннан Виктория Кириллова дәрәҗә пьедесталына күтәрелде. Безнең спортчылар Мурат Ибраһимов һәм Сафира Фәйзетдинова иң көчле бишлеккә керде.
Следите за самым важным и интересным в Telegram-каналеТатмедиа
Нет комментариев