Сабаның яшь теннисчылары уңышы

  Бу көннәрдә Сочи шәһәренең «Көньяк Спорт» федераль үзәгендә Идел буе зонасының спорт мәктәпләре арасында 14 яшькә кадәрге егетләр һәм кызлар арасында өстәл теннисы буенча спорт ярышлары уза. Ярыш нәтиҗәләре буенча иң яхшы спорт мәктәпләре декабрь аенда шул ук урында узачак финалга сайланачак. "Саба-Арена» спорт мәктәбенең җыелма командасы егетләр (Латыйпов, Вәлиуллин, Йосыпов, Һадиев) һәм кызлар (Батыршина, Хәбибуллина, Гыймадиева) командаларыннан тора.
Ярышлар кысаларында ФНТР генераль директоры Олег Завалюев белән киңәшмә узды. Киңәшмәдә спорт мәктәпләре арасындагы ярышларның мондый форматы киләсе елларда да ФНТР тарафыннан хупланылачагы турында әйтелде.