Шәмәрдән лицее призерлар саны буенча Татарстан Республикасында иң яхшы мәктәп

Казан шәһәренең “Пирамида” күңел ачу үзәгендә фән олимпиадалары җиңүчеләрен, Федераль дәрәҗәдәге ярышларда Республикабыз данын яклаган укучыларны әзерләгән укытучыларны, остазларны хөрмәтләү тантанасы булды. Шәмәрдән “Үсеш” лицее директоры Илфат Рөстәм улы Мөхәмәтов 2022-2023 нче уку елында лицей укытучылары Бөтенроссия укучылар олимпиадасын әзерләүдә актив катнашканнары өчен Татарстан Республикасы Мәгариф һәм фән министрының Рәхмәт хаты белән бүләкләнде.

Быелгы уку елында “Шәмәрдән лицее “Үсеш” Республика, Бөтенроссия фән олимпиадаларында җиңүчеләр, призерлар саны буенча Татарстан Республикасында иң яхшы мәктәп булды.