Шәмәрдәндә яшәүче хезмәт ветераны, тыл хезмәтчәне Мария Ивановна Ивановага - 90 яшь

Мария Ивановна Кукмара районы Чура авылында дөньяга килгән. Мәктәптә 3 класс белем алган. Бөек Ватан сугышы башланганда 10 яшьлек кызның да гамьсез балачагын ил өстенә төшкән афәт җимерә. Ул колхозда төрле хезмәт башкара, соңрак тракторда эшли, пилорамада, пекарняда хезмәт куярга да туры килә. Соңгы эш урыны - Шәмәрдән ит комбинаты, ул шуннан лаеклы ялга чыга. 40 яшендә тормышка чыга, әмма бер елдан соң тол кала. Мария Иванованың бүгенге көндә кызы, ике оныгы һәм бер оныкчыгы бар. Юбилярга президент бүләген Шәмәрдән авыл җирлеге башлыгы Айдар Гәрәев тапшырды.