Шәйхетдинов Зөфәр Гәрәй улын искә алу кичәсе
14 майда Саба туган якны өйрәнү музеенда "Районыбызның күренекле шәхесләре" проекты кысаларында “Туган якны өйрәнүчеләр” клубы әгъзалары белән берлектә якташыбыз, комсомол җитәкчесе, партия райкомы секретаре, шагыйрь Шәйхетдинов Зөфәр Гәрәй улын искә алу кичәсе булды. Кичәдә аның тормыш иптәше Физия Корбан кызы катнашты.
Очрашуда Зөфәр Гәрәй улының иҗади тормышы, мәдәният сәнгатьне яратуы, җырга-моңга осталыгы, әдәби мирасы-гомер буе язган шигырьләре яктыртылды. Тормыш иптәше яшьлек елларына кайтып, бергә узган тормыш елларын бәйнә-бәйнә сөйләде. Зөфәр ага Шәйхетдиновка 13 майда 81 яшь тулган булып иде. Саба төбәгеннән чыккан күренекле шәхесләребез барлыгын онытмыйк.
Следите за самым важным и интересным в Telegram-каналеТатмедиа
Нет комментариев