«Солдатка-аш» волонтер штабына мәктәп укучылары килде

  Бүген гимназиянең «Беренчеләр хәрәкәте» активистлары  һәм яшь армиячеләре «Солдатка-аш» волонтер штабында булдылар. Балалар волонтерларның мөһим эше турында белделәр һәм гимназиябез исеменнән гуманитар ярдәм алып килделәр.

«Без белемгә омтылып кына калмыйча, хәйрия акцияләрендә актив катнашкан укучыларыбыз белән горурланабыз. Бергәләп  авыр хәлдә калганнарга ярдәм итә алачакбыз. Әйдәгез бергә хәрәкәт итик һәм яхшылык эшлик!», – дип уртаклаша мәктәп коллективы социаль челтерләрдә.