Тимершык авылында Нәүрүз бәйрәме үтте

автор, 24 март 2022 - 15:45

1219

Яз үз хокукларына керә. Ә аның белән бергә якты, язгы Нәүрүз бәйрәме дә килә. Нәүрүз бәйрәме никадәр күңелле булса, табигать кешеләргә шулкадәр юмарт булачак. Шуңа күрә бу көнне кешеләр рәхәтләнеп күңел ачалар, яз килүгә шатланалар, сыйлар әзерлиләр, кунакка йөрешәләр.

19-20 март көннәрендә Тимершык авыл җирлегендә мәдәният хезмәткәрләре көче белән Нәүрүз бәйрәме үткәрелде. Яз бәйрәме җырлар, биюләр, спорт ярышлары һәм күңелле уеннар белән дәвам итте. Чара ахырында барлык катнашучыларны учак ягып казанда пешерелгән кайнар «Карга боткасы» көтә иде.