Тимершыкта ир-егетләр арасында "Башваткыч" интеллектуаль уены үтте

Уенда төрле елларда хәрби бурычларын үтәгән ир-егетләр: Шакиров Шамил, Галимов Булат, Биктимиров Шаһинур катнашты. Уен матур җырлар һәм чыгышлар белән үрелеп барды. Уенчылар кроссворд чишеп, армия турында хатирәләре белән уртаклаштылар. Тамашачылар уенны бик теләп күзәттеләр. Алып баручы Илнур Нәҗиповның бер генә соравы да җавапсыз калмады. Төп җиңүче итеп Шамил Шакиров билгеләнде. Уенчыларга истәлекле бүләкләр тапшырылды. Бәйрәмдә катнашучылар барысы да күтәренке кәеф белән таралыштылар.

Чыганак: saby.tatarstan.ru