«Улым бервакытта да зарланмый, “бары да тәртип” дип кенә яза»

“Август аенда безне –   уллары хәрби операциядә булган аналарны – Г.Камал театрына "Ситса туй" спектаклен карарга алып барганнар иде. Һәр театр коллективы  үзенчә, яңа төсмерләр өстәп уйный. Икенче  тапкы­рын да бик яратып карадым.  Без –  әниләрне чакырып хөр­мәтләүләре өчен  бик зур рәхмәт.  Үзем лаеклы ялда булсам да, балалар бакчасында эшлим әле.  Ирем белән өч бала тәрбияләп үстердек. Төпчек улыбыз Әнәс узган елның 23 октябрендә хәрби операциягә чакырылды. Җәй көне ялга кайтты. Шәмәрдән урманчылыгында эшли иде. Улым бервакытта да  зарланмый, “бары да тәртип” дип кенә  яза. Безне борчымавыдыр инде.  Авыл клубында җые­лышып сеткалар үрдек.  Узган ел шәмнәр ясап озаттык. Үзебез сатып алып пычкы, машина тәгәрмәчләре җибәрдек. Авылыбыздан алты егет кит­те­ләр. Бертуган абыемның улы Данис Кәримов та шунда. Тиз­рәк дөньялар  тынычланып, һәрберсе гаиләләренә исән-сау әйләнеп кайтсыннар иде”, – ди Түбән Утардан килгән  Фәридә апа Гыймадиева. Бу – һәрбер ананың  да иң зур теләге