Ветеранга хөрмәт - Илбашы Котлавында

автор, 4 февраль 2021 - 07:56

816

28 гыйнварда Байлар Сабасында яшәүче Нурзидә Шаһидулла кызы Муллахмәтова 90 яше уңаеннан Россия Президенты Владимир Путинның Котлавын кабул итеп алды. Нурзидә Муллахмәтова Теләче районы Максабаш авылында туган. Сабай авылында җидееллык мәктәпне тәмамлый. Саба районы егете Мәхмүт белән гаилә корып, өч бала тәрбияләп үстерәләр. Нурзидә апа 30 ел балалар бакчасында кече тәрбияче булып эшләп, лаеклы ялга чыга. Аның ике оныгы, бер оныкчыгы бар. Хәзерге көндә улы Тәлгать тәрбиясендә гомер кичерә.