ӘЙ, КЕМНӘР ЧИРАТСЫЗ КЕРӘ?
Күбебезнең Интернетта актарынганы, һичшиксез, бар: теләсә кайсы ведомство, министрлык яки муниципаль районнарның сайтларына кереп карагыз, аларда, “Коррупциягә каршы тору” бүлеге күрерсез һәм программалар, төрле белешмәләр, карарлар белән танышырсыз.
Шулай ук муниципаль хезмәткәрләрнең керемнәре, мөлкәте һәм мөлкәти характердагы йөкләмәләре турында белешмәләре белән дә кызыксынырга була. Андый теләк-омтылыш булса, әлбәттә. Чөнки ришвәтчелекнең бик борынгы икәнлеген барыбыз да белә һәм бу күренеш белән нигездә килешеп диярлек яши. Әйтик, 2018 елда Татарстанда коррупциянең торышы турында җыелма хисаптан күренгәнчә, ришвәтчелек вәзгыятенә тарыганнарның 89,2 проценты бу хакта беркая да хәбәр итми икән. Гражданлык позициябез шундый. Шуңа күрә ришвәтчелекнең тамырын корыту турында хыялланырга иртәрәк. Әйтик, 2018 елда республикада коррупция юнәлешендәге 832 җинаять теркәлгән, килгән зыян 782,3 миллион сум тәшкил иткән. Аерым алганда, ришвәт бирү һәм моңа булышлык итү очраклары 58,9 процентка, бюджет акчаларыннан максатчан файдаланмау очраклары ике тапкыр арткан. Хезмәт урыныннан файдаланганда вәкаләтләрне арттырып җибәрүнең 91 очрагы теркәлгән. Икътисад тармаклары буенча алсаң, күчемсез дәүләт милке белән эш итү өлкәсендә коррупция характерындагы – 154, мәгарифтә – 127, сәламәтлек саклау системасында 23 җинаять ачылган...
Тулырак язманы "Саба таңнары" газетасында укый аласыз
Следите за самым важным и интересным в Telegram-каналеТатмедиа
Нет комментариев