“Яшьлек” чемпион булды
Байлар Сабасының "Олимп" стадионында ир-ат командалары арасында Саба муниципаль районы чемпионаты финалында "Яшьлек" (Шәмәрдән) һәм "Саба тәрәзәләре"(Саба) командалары очрашты.
Уен, фаҗигале төстә вафат булган “Саба тәрәзәләре” уенчысы Рәмис Мулләхмәтовны искә алып, бер минутлык тынлык белән башланды. Көне суык булуга карамастан, матур уен күрсәтеп, “Яшьлек” командасы 2:1 исәбе белән җиңү яулады. Уеннан соң 2019 ел сезонына нәтиҗә ясалды. Иң яхшы уенчылар исеменә Рәдис Сабиров, Дмитрий Тирохин, Султан Рәфыйков һәм 32 тапкыр гол керткән Элмир Хаҗиев лаек булды. Бер тапкыр да җиңелмәгән “Яшьлек” командасы 1нче урынны яулады, 2нче урында – “Саба тәрәзәләре”, өчтә – “Саба яшьләре”.
Фото: Зөлфәт Галимов
Следите за самым важным и интересным в Telegram-каналеТатмедиа
Нет комментариев