Җырлап ярыштылар

Бәйгедә катнашырга Балтачтан, Арчадан, Теләчедән дә үзешчәннәр  килгән иде. Алар башкарган җырларга композитор  үзе, Татарстанның атказанган артисты Вадим Захаров һәм Рифат Зарипов бәя бирде. Җиңүчеләр ир-ат һәм хатын-кыз башкаручылар арасында  ачыкланды. “Бик  матур  концерт карадык. Безгә ошады, күптән җанга  якын итеп башкарылган җырлар тыңлаган юк икән дип сөйләшеп тә алдык. Урыннарга   килгәндә, нәр­сә килеп  чыккандыр – ба­рысы да шушы  кәгазьдә  язылган, мин  аны алып ба­ру­чыларга тапшырам”,– ди­де  Вадим  Захаров. “Үз ре­пер­туарыңдагы җырларны тың­лавы бик күңелле икән. Чыннан да, көе  матур булганда, аны ямьсез итеп  җырлап  бул­мый. Тыңлаган арада чыгышларны инстаграммга ку­яр­га  өлгердем һәм урыннар билгеләгәндә  андагы фи­керләрне дә исәпкә алдык. Дипломнар   яздык һәм җи­ңү­челәрне  сезнең  хөкемгә иреш­терәбез”,– дип дәвам ит­те. Рифат Зарипов. Чыннан да, тамашачы концертны, ме­нә бу  җырга беренче урын була, дип уйлый-уйлый, бирелеп тыңлады.  Шуңа да жюрига җиңел булмагандыр, әмма бәхәсләшү инде урынсыз. Бәйгене оештыручы Хәниф Тимербаев көчле алкышлар  ас­тында хатын-кызлар арасында  лауреатларны  түбәндәге тәр­­типтә игълан итте: Альбина Гаврилова (Шәмәрдән) – III  урын, Гөлзилә Нурмөхәммәтова (Саба) – II урын, Фидания Абдуллина – I  урын. Ир-егетләр арасында Мишәбаштан Булат Нәҗипов I дәрәҗә лауреат исемен  алды.  Рәдиф Мөбарәков  – 2нче  урында. Ә III дәрәҗә лауреат исеменә берьюлы ике җырчы – Алмаз Насыйбуллин белән  Илназ Мусин лаек булды. Жюри балалар арасында да җиңүчеләрне ачыклады: Алисә Низамова –III, Сабадан кечкенә кыз Азалия Нуруллина –II, Арчадан Алия Ногманова беренче булды. Лау­реатларга һәм барлык конкурсантларга Дипломнарны Айдар Тимербаев тапшырды.  “Катнаш­каныгыз  өчен барыгызга да зур рәхмәтемне белдерәм. Әгәр дә сез булмасагыз, минем  җырларым бер­кемгә дә кирәк булмас иде. Моннан соң  да  үз чиратым­да сезне матур  көйләрем белән сөен­дереп торырмын”,– дип  тамашачылар белән  шатлыгын уртаклашты 500дән артык җыр авторы.

Кубрәк фотолар: Айдар Тимербаев иҗат иткән җырлар бәйгесе

Автор фотосы