Югары Утар балалар йорты – интернатында Яңа ел бәйрәме

Яңа ел – иң мавыктыргыч, әкияти һәм иң яраткан бәйрәмнәрнең берсе. Бу бәйрәмне бик күпләр зарыгып көтеп ала. Безнең балалар йортында тәрбияләнүче балалар өчен яңа ел – иң кадерле бәйрәмнәрнең берсе ул. Бүгенге бәйрәм дә бик күңелле үтте. Тәрбияче апалары балалар өчен театральләштерелгән тамаша күрсәттеләр. Ә балалар үз чиратында җырладылар, биеделәр, шигырьләр сөйләделәр.

Бәйрәмдә шулай ук район кунаклары, Саба районы Хезмәт , халыкны эш белән тәэмин итү һәм социаль яклау министрлыгының начальнигы Хуҗин М. М., Саба районы прокуроры Абитов З. М., Югары Утар балалар йорты директоры Гәрәев И. Г. катнашты. Алар бәйрәм ахырында барлык тәрбияләнүчеләрне һәм тәрбиячеләрне якынлашып килүче Яңа ел белән котладылар.

2020 нче елның 24 декабрендә Югары Утар балалар йорты-интернатының “Шәфкатьлек “ бүлегендә "Тылсымлы бәйрәм Яңа ел!"  балы  үткәрелде.

Яңа ел-көтеп алынган теләкләрнең чынга ашу вакыты. Балалар өчен яңа ел бәйрәмен көтү, тылсымлы Кыш бабай белән очрашу ул.  Безнең балалар йортында бәйрәм атмосферасы атна буе хөкем итте. Балалар зур түземсезлек белән яңа ел балын көтеп алдылар. Бәйрәм  барысын да әкият иленә чакырды. Балаларга төрле әкияти геройлар кунакка килде. Үгез “Макс”, Кар бабай, «Лулу» һәм «Лили» исемле бик хәйләкәр тычканнар. Һәм, әлбәттә инде, бәйрәмнең кульминациясе төп геройлар – Кыш Бабай, Кар Кызы белән очрашу  булды. Балалар аларга бик теләп җырладылар, шигырьләр сөйләделәр һәм биеделәр. Бәйрәм ахырында Кыш Бабай балаларга бүләкләр өләште.

Фото: saby.tatarstan.ru

Чыганак: saby.tatarstan.ru