Сорау - җавап
Даруның файдасы тисен өчен кайчан, ничек эчәргә?
Даруны дөрес кабул итмәгәндә, аның нәтиҗәлелеге кими, зыяны тиюе дә ихтимал. Һәр препаратның үз таләбе бар. Әмма аларны күпме вакыт алдан яки соңрак эчәргә кирәге, нигездә, күрсәтелми.
- Ач карынга. Димәк, даруны иртәнге ашка 30-40 минут кала, әле ашказанында ашкайнату ферментлары булмаганда эчәргә кирәк.
- Ашар алдыннан. Ашарга 30-40 минут кала эчәргә. Кайбер даруларны 15-20 минут кала эчәргә кирәк, алай яхшырак үзләштерелә.
- Ашаганда эчәргә. Даруны иртәнге, төшке яки кичке аш вакытында эчкәндә артык сорау тумый. Башка вакытта дару белән бергә бер стакан сөт яки сохарый белән чәй эчеп кую да җитә.
- Ашаганнан соң. Мондый таләп, гадәттә, ашказанын ялкынсындыручы даруларга куела. Аны үтәргә кирәк.
- Әгәр аннотациясендә кайчан эчәргә кирәклеге күрсәтелмәгән икән, даруны ашаганнан соң 30 минуттан эчәргә тырышыгыз.. Чыганак: Ватаным Татарстан
Следите за самым важным и интересным в Telegram-каналеТатмедиа
Нет комментариев