Зиннәтулла Билалетдинов сезонда КХЛның иң яхшы тренеры дип табылды

Казанның «Ак Барс» хоккей клубы тренеры Зиннәтулла Билалетдинов 2017/2018 елгы сезонда Континенталь хоккей лигасының (КХЛ) иң яхшы тренеры дип табылды, дип хәбәр итә РИА «Новости» агентлыгы.

Билалетдинов җитәкчелегендә казанлылар өченче тапкыр Гагарин Кубогын яулады. КХЛның даими чемпионаты нәтиҗәләре буенча «Ак Барс» Көнчыгыш конференциясендә беренче урынга лаек булды.

Сезон нәтиҗәләре буенча бүләкләр тапшыру тантанасы 23 май көнне Мәскәү өлкәсенең Барвиха бистәсендә узды.

Фото:вк

http://www.tatar-inform.tatar