Көрәш буенча дөнья чемпионатының финаллары Миңгәрдә узачак
Көрәш буенча дөнья чемпионаты быел башта — Теләчедә, аннан Саба районында, дөресрәге, Миңгәрдә узар дип планлаштырыла.
Россиянең көрәш федерациясе вице-президенты Равил Ногуманов белдергәнчә, дөнья чемпионатының беренче көне Теләчедәге «Батыр» спорткомплексында узачак. Хәлиткеч очрашуларны исә Миңгәрдә махсус көрәш мәйданында оештыру фаразлана икән. «Иң зур Сабантуй шунда үтә, димәк, көрәшне караучылар саны да зур булачак», — ди Равил Уел улы.
Дөнья чемпионатының әлегә төгәл датасы билгеле түгел икән. 29 июнь, яисә берәр атнага соңрак үтәр дип көтәләр.
Р.Ногуманов әйткәнчә, ярышларга 30лап илдән көрәшчеләр килергә теләк белдергәннәр инде. Шулай да оештыручылар 40тан да кимрәк ил булмас дигән өметтә тора. Көрәш җиде үлчәү авырлыгында узачак.
Следите за самым важным и интересным в Telegram-каналеТатмедиа
Нет комментариев