Татарстанда «Актив яшәү рәвеше нигезләре» дигән тематик ункөнлек бара

1 августтан башлап 10 августка кадәр Татарстан Республикасы медицина оешмаларында Физкультурачы көненә туры китерелгән «Актив яшәү рәвеше нигезләре» дигән тематик ункөнлек уздырыла. Бу турыда Татарстан Сәламәтлек саклау министрлыгы матбугат хезмәте хәбәр итте.

Физик күнегүләр белән даими шөгыльләнүчеләр – йөрәк-кан тамырлары һәм йогышлы авырулар сирәгрәк авырый, стрессларга һәм депрессияләргә бирешми, ягъни алар сәламәтрәк һәм күңеллерәк.

Әгәр физик күнегүләргә кадәр пульсыгыз минутына 70 тибеш булса, күнегүдән соң ул 120 тибештән артмаска тиеш. Зур йөкләнешле физик күнегүләр башкарганачы, табиб белән киңәшләшергә кирәк.

Физик йөкләнеш көндәлек гадәткә һәм организмның ихтыяҗына әйләнергә тиеш, диелә бу хәбәрдә.

Фото: pixabay.com

tatar-inform.tatar