Мингәрдә уникаль Сабантуе узачак

2017 елның 1 нче июлендә Саба районы Мингәр авылында уникаль сабантуе узачак. Һәр елны үткәрелеп килеп, инде традициягә кергән - автоярыш, пычрактан йөгерү, суда каршылыкларны җиңү, "Борындыктан дуслар", уен-ярышлары, берничә сәхнәдә баручы татар эстрадасы йолдызлары концертына өстәп, өр-яңа бәйгеләр - Татфайт һөнәри сугыш лигасы, суда утлы шоу, Мәскәү каскадерлары экстремаль чыгышы, "Тюркевидение" халыкара фестивале җиңүчеләре концерты булачак. Беренче тапкыр мәйданда - 20 илдән спортчылар катнашында, Төрки халыклар арасында көрәш буенча Дөнья кубогы узачак. Сабантуе 17 сәгатьтә башлана. Кичке 11 дә тирә-якта булмаган грандиоз Салют көтелә.