Байлар Сабасы бистәсеннән биш чакрым ераклыктагы урманда коткаручылар кар автомобиле ватылган ир-атларга ярдәм иткән

Татарстанның Саба районында коткаручылар кар автомобиле ватылып калган ир-атларга ярдәм иткән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

«Төнге өчләр тирәсендә 112 бердәм номерына Байлар Сабасы бистәсеннән биш чакрым ераклыктагы урманда ике ир-атның бәлагә юлыгуы хакында хәбәр килгән», - дип белдерделәр ведомствоның матбугат хезмәтендә.

4нче зона янгын-коткару отряды хезмәткәрләре аларны урман буенда табып алган. Ир-атларны «Урман әкияте» ял базасына алып кайтканнар.

Фото: ГУ МЧС России по РТ

https://tatar-inform.tatar