Казанда коляскалы хатын-кызны чит ил машинасы бәрдергәнен видеога төшергәннәр

Шаһитлар Казанда бала коляскасы этеп барган хатын-кызны чит ил машинасы бәрдергәнен видеога төшергән. Ролик социаль челтәрләрдә басылып чыккан.

Кадрларда хатын-кызның җәяүлеләр кичү зонасыннан читтә күпер астындагы юл аркылы чыгып баруы күренә. Кайсыдыр вакытта коляскага автомобиль бәрелеп китә.

«Авария кичә Назарбаев урамында 17.50 сәгатьтә килеп чыга. «Опель» йөртүчесе Петербург урамына таба хәрәкәт итә торган була. Нәтиҗәдә, баланың тәне бераз бәрелгән. Медицина ярдәме күрсәтелгәннән соң ул өенә озатылган, әнисе зыян күрмәгән», – дип сөйләделәр «Татар-информ»га Татарстан Эчке эшләр министрлыгында.
 

Фото: скриншот видео из соцсетей

https://tatar-inform.tatar