Казанда кырык пассажир утырган автобуска ут капкан

Казанның Ямашев проспектында пассажир автобусына ут капкан. Салонда 40 пассажир һәм машина йөртүче булган. Бу турыда "Татар-информ"га Гадәттән тыш хәлләр министрлыгында хәбәр иттеләр.

"Ямашев урамындагы 54 нче йорт каршында пассажир автобусына ут кабу турында хәбәр бүген 14.57 сәгатьтә 112 бердәм номерына килде", - диделәр ведомствода.

Янгын чыккан автобус салоныннан пассажирлар үзләре чыккан. Имгәнүчеләр юк. Урынга килгән янгын сүндерүчеләр двигатель бүлеге януын ачыклаган. Ут тиз арада сүндергәннәр. Янгын мәйданы 10 кв. м. тәшкил иткән.

Фото: соцсети

https://tatar-inform.tatar