«Балалар ялы системасы - алымнарның һәм чишелешләрнең бердәмлеге» темасына республика семинары

Семинар кысаларында ТР Яшьләр эшләре һәм спорт министры урынбасары Ринат Садыйков, ТР Профсоюзлар федерациясенең Социаль сәясәт идарәсе башлыгы Марина Кокоулина, "Җәй" республика үзәге директоры Раил Моратшин һәм "Байтик" ООК генераль директоры Лариса Бикмуллина катнашында панель дискуссия узды. Катнашучылар сәламәтләндерү кампаниясенең башлангыч нәтиҗәләре турында фикер алыштылар, шулай ук балалар лагерендә туклануны оештыру, вожатыйлар кадрлары әзерләү, палаткалы лагерьларны оештыру буенча таләпләр һ.б. мәсьәләләрне кузгаттылар. Соңыннан Министрлар Кабинеты, яшьләр эшләре министрлыгы һәм "Җәй"республика үзәге исеменнән бүләкләү тантанасы узды. Республика "Җәй" Үзәге исеменнән "Яшьлек" яшьләр үзәге директоры урынбасары Альберт Валиев җәйге сәламәтләндерү кампаниясен оештыруга керткән өлеше өчен Рәхмәт хаты тапшырылды.

Фото: saby.tatarstan.ru

Чыганак: saby.tatarstan.ru