Балык Бистәсе районында юл-транспорт һәлакәте: корбаннар бар [+фото]

1 ноябрь көнне көндез Татарстанның Балык Бистәсе районында Казан - Чистай трассасында кеше үлеме белән тәмамланган юл-транспорт һәлакәте булган. Юл һәлакәтенең нечкәлекләрен ТР Дәүләт автоинспекциясе хезмәткәрләренә ачыкларга кирәк.

"Татар-информ" МА хәбәрчесенә ТР буенча Эчке эшләр министрлыгында хәбәр итүләренчә, "ВАЗ 2107" автомобиле белән идарә итүче каршы як хәрәкәт полосасына чыгып, Ford белән бәрелешкән.

Һәлакәт нәтиҗәсендә "семерка" йөртүчесе урынында ук җан бирә. Иномаркадагы ике кеше төрле җәрәхәтләр алган, алар госпитализацияләнгән.

Шуны билгеләп узыйк, авария нәтиҗәсендә трассада күп километрларга сузылган бөке хасил булган. Бу участокта юл хәрәкәтен гадәти режимга кайтару өчен ике сәгатькә якын вакыт кирәк булган.