Эксперт: Электромобильләр саны ел азагына кадәр шактый артачак

 Россиядә электромобильләрне өстен күргән автомобильчеләр саны арта, ел ахырына электрокараларның саны берничә тапкыр артачак. Электромобильләр өчен яңа кушымта уйлап табучы, «Электрифлай» компаниясе вәкиле Ленар Кашапов шундый фикердә.

«Динамиканы күзәтеп бару кыен, ләкин хәбәрләргә караганда [Татарстан электромобильләре клубындагы], атна саен диярлек ике-өч машина пәйда була. Россиядә сатылган электромобильләрнең берничә тапкыр артуы инде берничә ай дәвам итә һәм динамика ел ахырына бик зур булачак», — диде ул «Татар-информ»га.

Татарстанда электр энергиясе белән йөри торган автомобильләрнең таралуына кору станцияләренең аз санда булуы комачаулый.

«Бүген без Шәһәр төзелеше кодексына яңа нормативны кертергә тәкъдим иттек, анда торак комплексларның, бизнес-үзәкләрнең, сәүдә үзәкләренең булачак паркингларын заряд станцияләре белән планлаштыру турында әйтелә», - диде эксперт.

Кичә Иннополиста электромобильләрне кору өчен мобиль кушымта эшен күрсәттеләр.  

Фото: Владимир Васильев

Чыганак: tatar-inform.tatar