Халык өстенә менгән такси йөртүчене сак астына алдылар [+фото]

автор, 16 май 2015 - 04:41

670

Җиңү бәйрәме төнендә салют карап кайтып килүчеләрне бәрдергән такси йөртүчене 11 июльгә кадә сак астына алдылар. Шулай итеп, Казанның Идел буе районы суды прокуратура таләбе буенча тикшерү органнары үтенечен канәгатьләндерде. Дөрес, юл-йөрү кагыйдәсен бозып, саксызлык аркасында кеше үлеменә китерүдә гаепләнүче 34 яшьлек такси йөртүче үз гаебен яшерми. Юлның яктыртылмаган, борылышлы...

Халык өстенә менгән такси йөртүчене сак астына алдылар [+фото]

Дөрес, юл-йөрү кагыйдәсен бозып, саксызлык аркасында кеше үлеменә китерүдә гаепләнүче 34 яшьлек такси йөртүче үз гаебен яшерми. Юлның яктыртылмаган, борылышлы урын булса да, бераз тизлекне арттырган идем, ди ул. Шулай да суд карарына шикаять белдерергә җыена.

Исегезгә төшерәбез, һәлакәт урынында 7 яшьлек кыз бала үлде, 5 кеше хастаханәгә озатылды. Вафат булган кызның әнисенең хәле әле дә авыр, дип бәяләнә.

Сүз уңаеннан, такси йөртүченең якын арада беренче баласы дөньяга килергә тиеш.

Интертат.ру

Следите за самым важным и интересным в Telegram-каналеТатмедиа

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен