Мәгариф министрлыгында мәктәпләрдә туклануны оештыру стандартларын булдырырга өндиләр

РФ Мәгариф министрлыгы мәгариф учреждениеләрендә туклануны оештыру стандартларын, аш-су стандартларын булдырырга кирәк дип саный. Бу хакта РФ мәгариф министрының беренче урынбасары Дмитрий Глушкога сылтама белән РИА Новости хәбәр итә.

«Туклануны оештыру стандартлары кирәк, аш-су стандартлары кирәк. Һәр мәктәп ашханәсенә туры килергә тиешле таләпләр эшләү мөһим», - дип сөйләде ул мәгариф оешмаларында туклану системасын камилләштерү буенча бөтенроссия конференциясе барышында.

Глушко стандартлар аерым ихтыяҗлары булган балаларны туклану белән тәэмин итү мәсьәләләрен дә чагылдырырга тиешлеген искәртте. 

Чыганак: tatar-inform.tatar