Районыбыз укучылары iPad планшетларга ия булдылар

Кукмара шәһәр тибындагы бистәсендә IT-Чемпионнарны - "Иң актив укучы" номинациясендә республика конкурсының 2 этабы җиңүчеләрен котлау тантанасы булды. Республикабызның 9 районыннан килгән 27 укучы үзләренең лаеклы iPad и iPad mini планшетларын алдылар. Безнең районнан 3 укучы җиңүчеләр сафында - Саба гимназиясеннән 3а сыйныфы укучылары Заһидуллин Салават һәм Латыйпова Инзилә, Шәмәрдән лицееннан 8 сыйныф укучысы Абдуллина Эльвина. Тантанада шулай ук Арча, Әтнә, Биектау, Кукмара, Яшел Үзән, Балтач, Теләче, Питрәч районнары укучылары да бар иде.