Интервью рубрикасы буенча яңалыклар
-
Канунны белгән алданмас
Ел саен 15 мартта билгеләнгән Кулланучыларның хокукларын яклау көне быел “Цифрлы дөнья: ышанычлы смарт җайланмалар” шигаре астында үтә. Ә интернет заманында “смарт”ның нәрсә икәнлеген кешегә аңлатып торуның кирәге юк. Алар хәзер дөньядагы кешеләр саныннан өч тапкыр күбрәк. Кулланучыларның хокукларын яклаучы Арча территориаль органының контроль-инспекция бүлеге консультанты Азат Хәлилов белән әңгәмәне дә смарт-продуктларга кагылышлы темадан башладык.
-
ЦИФРЛЫ ТАПШЫРУЛАРГА КҮЧӘРГӘ СЕЗ ӘЗЕРМЕ?
Россия төбәкләрендә акрынлап аналог телевидениене туктату бара. Республикабыз исә цифрлыга тулаем 3 июньдә күчәчәк. Райондашларыбыздан бу яңалыкка әзерлеген сорадык.
-
“Җырларымны тартып алсалар да, тамашачымны тартып ала алмадылар”
Башкортстанның атказанган артисты Ришат Төхвәтуллин 30 яшьлеген тамашачылары белән уздырды. Аның 5 мартта Уфада башланып киткән юбилей чаралары 10 мартта Мәскәүдә тәмамланды. 6 март көнне җырчы Казан тамашачысы белән очрашты.
-
“Гомерне ялтыравыкка сарыф итмиләр. Бу бәйрәм дә ясалма”
Раушания Юкачева. Бу исемне ишеткәч, күз алдыгызга кояш кебек балкып торган актриса килеп баса торгандыр. Тормышын, иҗатын күзәтеп баручылар исә аның хакында көчле рухлы, энергияле, ярдәмчел дип тә әйтер. Рух дигәнең ничек ныгый? Пәрдә артында ни хәлләр бар? Гомумән, театр дөньясы хатын-кыз актриса күзлегеннән нинди? Татарстанның халык артисты Раушания Юкачева белән әнә шулар хакында сөйләштек. Әңгәмәнең күркәм сәбәбе дә бар – 23 мартта актриса “Ак калфагым төшердем кулдан” спектакле белән 60 яшьлек юбилеен билгеләп үтәчәк.
-
Музыканың милләте бар!
Алтмыш ел бергә гомер итүчеләр бармак белән генә санарлык. Румия-Әнвәр Шәрәфиевләр – шундый гаилә. Тормышларын утын сараенда башлаган, бүген дә тыйнак гомер кичерүче бу пар, музыкага гашыйклык авырлыкны сиздермәде, ди. Гаилә башлыгы, Татарстанның халык композиторы Әнвәр Шәрәфиев исә иң матур музыкаль әсәрләрен Румиясенә багышлый.
-
“Гаилә хәлемне яшермим, кычкырып та йөрмим”
Быел 17 сентябрь көнне “Болгар радиосы”нда эфирга чыгучы “Нокта” тапшыруына 5 ел тула. Аның алып баручысы радиодагы иң чибәр, зирәк һәм җаваплы хезмәткәрләрнең берсе – Гөлназ Фәйзрахманова. “Нокта” тапшыруында ул радиотыңлаучыларның юридик сорауларына җавап-киңәшләрен бирә. Гөлназ белән радио һәм шәхси тормышы турында әңгәмә кордык.
-
Белгечләрне ничек авылга кайтарырга? (сораштыру)
Татарстан Президенты Рөстәм Миңнеханов Авыл хуҗалыгы һәм азык-төлек министрлыгы коллегиясенең киңәйтелгән утырышында Россия вузлары рейтингында соңгы урында барганнары өчен Казан аграр университеты һәм Н. Бауман исемендәге Казан дәүләт ветеринария медицина академиясе ректорларын тәнкыйтьләде. “Аграр югары уку йортларын тәмамлаучыларның унсигез проценты гына авылга эшкә кайта. Бу бик начар, тәртип урнаштырырга кирәк. Мәсьәлә район башлыкларына да кагыла”, – диде Президент. Сезнең җирлектә белгечләр бармы? Яшьләрне авылга ничек җәлеп итәргә?
-
"Азган кызлар яхшы егетләрне эләктерә", яисә Нигә татар егетләре "пешмәгән"?
378 комментар. Дистәләгән уртаклашу. 30 кешелек яңа чат һәм ике очрашу. Ленария Мөслимнең "Ир-атлар кайда?" дигән посты хатын-кызларны да, ир-атларны да бәхәскә һәм фикер алышуга җәлеп итте. Бу атнада дөньяда Гашыйклар көнен билгеләп уздылар — мәхәббәт һәм гаилә кору турында сөйләшеп алырга тагын бер форсат. Ни өчен татар кызлары татар егетләренә кияүгә чыга алмый интегә? Нигә татар егетләре "пешмәгән"? Шул хакта социаль челтәрләрдә шау-шу куптарган постның авторы белән сөйләштек.
-
Рифат Зариповка президент эстраданы чистартырга кушса: “Кайсыбызны чүп дип әйтеп була?”
Татар эстрадасының гаҗәеп киң күңелле, ихлас, юмор хисле артисты Рифат Зарипов белән очрашкан саен үзеннән-үзе кызыклы әңгәмә корыла. Ул нинди бар – шундый, шуңа күрә аның белән аралашу рәхәт. Бу юлы да уйламаган җирдән аралашып алдык. Әлбәттә, Рифатның төпле җавапларын сезгә дә җиткерергә теләдем.
-
"Театр елыннан берни өмет итмим"
“Таганка” актерлар бердәмлеге” театрында бердәнбер татар актеры эшли. Әлеге театрның сайтында аның фамилиясе татарчалап, Шарафетдин дип язылган. Кызыксынып китеп, аның белән элемтәгә чыктык. Айдар Шәрәфетдиннең Казанда чагы туры килде һәм редакциягә алып баручы, пантомима остасы, биюче Виктор Шәрәфетдиновның яшь чагы – Айдар Шәрәфетдин килеп керде.
-
Ни өчен Марат Шәйбәков әле генә Татарстанга килә, моңа нәрсә этәрә? [әңгәмә]
Башкортстанның атказанган артисты Марат Шәйбәков үзенең концертлары белән тәүге тапкыр Татарстанга җыена. 14 мартта Казанның “Ленин” мәдәният йортында Марат Шәйбаковның концерты көтелә. Ә аңа кадәр җырчы республика районнарына барырга ниятли.
-
Концертларым – күңел өчен
Татарстанның атказанган артисты Закир Шаһбанның исеме Башкортстан тамашачыларына яхшы таныш дип әйтеп булмый. Яңа кеше ул безнең өчен. Шуның белән кызыклы да. Нинди яңалыклар алып килә бу җырчы? Сәнгать күгендәге иксез-чиксез йолдызлар балкышыннан иҗаты ничек аерыла? Әңгәмәбез шул хакта.
-
Рабит Батулла: «Галимҗан Ибраһимов хатыны Өммегөлсем авыру ирен ташлап качкан» (ИНТЕРВЬЮ)
Рабит абый, дөньяны хатын-кыз басып алды, дип әйтәләр.
-
Ул-бу чыкса, телефонга яздырасызмы?
Чаллыда бер хатын-кыз, хастаханәгә килеп, анда эшләүче табибны елатып кайткан. Баксаң, аңа доктор язган дарулар ошамаган икән. Ул, ике арадагы низагны телефонына төшереп, интернетка урнаштырган. Табиблар әйтүенчә, бу хатын-кыз еш кына, әнисенә ияреп, хастаханәгә килә һәм медицина хезмәткәрләрен телефонына төшерә икән. Татарстанның Сәламәтлек саклау министрлыгы хәбәренә караганда, бу юлы алар табиб бүлмәсенә ул башка кешене кабул иткән вакытта бәреп кергәннәр. Билгеләнгән даруларны ошатмыйча, башкасын таләп иткәннәр. Ә сез үзегезгә авыр чакта “ярдәм”гә телефон кулланасызмы?
-
Роберт Миңнуллин: «Дөньядан артта калмаска кирәк»
Соңгы арада халык шагыйре Роберт Миңнуллин аеруча популяр, күптән түгел генә теркәлүенә карамастан, инстаграм челтәрендә язылучылары гына да унбиш меңнән артып киткән.