Ярыммарафонда катнашттылар

автор, 14 гыйнвар 2022 - 14:01

685

Кукмарада Яшел Үзән, Балтач, Түбән Кама районнарыннан, Нократ Аланыннан килгән 57 кеше катнашында үткәрелгән “Ярыммарафон-2022” чаңгы ярышларында районыбыз спортчылары уңышлы чыгыш ясады. Хатын-кызлар арасында 15 километрлы дистанциядә үз яшь категорияләрендә Сабадан Фәридә Рәхимова, Алия Мөбарәкова – I, Равия Фәсхетдинова 3 нче урыннарны алдылар. Ир-егетләр 22 километрда узышты. Шәмәрдәннән Олугбек Ваисов үз яшь төркемендә җиңү яулады. Сабадан Әмин Миңнегулов, Шәмәрдәннән Альберт Миннебаев 3 нче призлы нәтиҗә күрсәттеләр.