Сатыш авылы музей-мәдрәсәсе

Тасвирлама:
Сатыш мәдрәсәсе заманында төбәгебездәге иң эре уку йортларының берсе булган. XX гасыр башында биредә өч йөзләп шәкерт сабак алган. Әлеге белем һәм тәрбия йорты белән мәхәллә имамнары җитәкчелек иткән. Мәдрәсә ХІХ гасыр ахыры-XX гасыр башында төзелгән. Мәдрәсәнең бинасы татар торак йорты тибы буенча, яхшы яктыртылган сыйныфлар белән төзелгән. Фасадларны бизәүдә классицизм архитектурасы элементлары һәм татар халык сәнгате элементлары куланылган. Сатыш мәдрәсәсенә реставрация ясала һәм ул 2018 елдан халык өчен хезмәт күрсәтә башлый. Казан артының милли мәдәнияте Мәккәсе-Саба төбәге тарихына багышланган бердәнбер музей һәм шулай ук Татарстанда һәм Россиядә бердәнбер мәдрәсә – безнең горурлыгыбыз булып тора.
Адресы:
Сатыш авылы, Ленин урамы, 17а йорт

1893 нче елда төзелгән мәдрәсә бинасы 2018нче елда реконструкциядән соң мәдрәсә музей буларак эшли башлады. Музей экспозициясе ике бүлектән тора: - "Мәдрәсәнең барлыкка килү тарихы» бүлеге - «Эре фәнни белем бирү үзәкләре» бүлеге Музейның төп юнәлеше-дин. Музейдагы иң кыйммәтле экспонатлар: дини китаплар, шәкерт сумкасы, бөти, мәдрәсә бинасы макеты, имам киеме, татар хатын-кызлары һәм ир-атлар киеме, түбәтәйләр, яулыклар, кулдан эшләнгән сөлгеләр һ. б. Музейда мультимедиа технологияләре киң таралган. Саба районының интерактив картасында барлык авыл, мәчетләрнең фотосурәтләре һәм аның эчке күренеше турында кыскача мәгълүмат белән танышырга мөмкин. Шулай ук музейга килүчеләрне изге Мәккә шәһәреннән турыдан-туры эфир да зур кызыксыну уята. Музей фонды даими рәвештә тулыланып тора Бүгенге көндә музей фондында 140 экспонат саклана. Адрес: Татарстан Республикасы, Cаба муниципаль районы, Сатыш авылы, Ленин урамы, 17А йорты. Телефоннар: 89393312721 Шарифуллина Рания Ришат кызы, 89586245020 Шарифуллина Гөлгенә Фирдус кызы e-mail: museum.satys-madrasa@mail.ru