Спорт яңалыклары
-
Картинг ярышлары узды
6-7 август көннәрендә "Аргамак" картодромында картинг буенча республика ярышлары узды.
-
Спортинг-компакт буенча ачык турнир
10 июль көнне Песчаный бистәсенең “Ату” үзәгендә спортинг-компакт буенча ярышлар булып узды. Әлеге ярышта “Сабантуй” спорт мәктәбенә йөрүче балалар да катнашты, тренерлары Алексеев Юрий Владимирович.
-
Саратов шәһәрендә өстәл теннисы буенча Россия Кубогы
1нче июльдән 4нче июльгә кадәр Саратов шәһәрендә өстәл теннисы буенча Россия Кубогы узды. Ярышларда 20 регионнан 80нән артык спортчы катнашты.
-
Пенсионерлар арасында 1941-1945 еллардагы Бөек Ватан сугышында Җиңүнең 76 еллыгына багышланган "Өченче яшь" спартакиадасы
29нчы июньдә Казан шәһәрендә пенсионерлар арасында 1941-1945 еллардагы Бөек Ватан сугышында Җиңүнең 76 еллыгына багышланган "Өченче яшь" спартакиадасы булып узды. Катнашучылар түбәндәге төрләрдә көч сынашты: өстәл теннисы, дартс, ядрә белән ату, йөзү.
-
Зилә Батыршина - дөнья Кубогы җиңүчесе!
"Сабантуй" спорт мәктәбе спортчысы Зилә Батыршина Хорватиядә узган түгәрәк стендта дөнья Кубогы җиңүчесе булды һәм үзенә Токиода узачак Олимпия уеннарына юллама алды. Зилә квалификациядә мөмкин булган 125 мишеньнең 117сенә тидереп, финалда Чили кызы Франциски Кроветто Чадидны (56-53) отты.
-
Арча мөхтәсибәте мини-футбол буенча республикакүләм турнир үткәрде
Зөлкагъдә аеның 17 көнендә (27 июньдә), Яшьләр көне уңаеннан, Арча мөхтәсибәте ир-атлар арасында мини-футбол буенча республикакүләм турнир үткәрде. Быел дүртенче тапкыр Арчаның “Көнчыгыш” мәчете кубогына үткәрелүче ярышның төп максатлары булып: дин кардәшләребезне физик культура һәм спортка җәлеп итү, мөселманнар арасында дустанә мөнәсәбәтләрне ныгыту тора. Ярышта: Арча, Казан, Мөслим, Түбән Кама,Базарлы Матак, Теләче, Кукмара, Саба, Болгар Академиясы, Әлмәт, Явлаштау авылы, командалары катнашты.
-
Йөзү буенча "Wad Wave Classik-2021"Бөтенроссия ярышлары
19-20 июньдә Санкт-Петербург шәһәрендә йөзү буенча "Wad Wave Classik-2021" Бөтенроссия ярышлары узды. Саба районын Шәйхетдинов Нур һәм Рәфыйков Әмир тәкъдим итте. Әмир 17-18 яшьлек яшүсмерләр арасында 50 метрга брасс белән йөзүдә җиңүче булды. Нур 17-18 яшьлек егетләр арасында 100 метрга баттерфляй ысулы белән йөзүдә 4 урынны яулады. Чын күңелдән безнең спортчыларны һәм аларның тренеры Сафина Гөлназ Илдус кызын ярышларда яхшы чыгыш ясаулары белән котлыйбыз, алга таба да уңышлар телибез!
-
«Сабантуй» спорт мәктәбендә шөгыльләнүче спортсменнарга “Россиянең спорт мастеры" исеме бирелде
31нче майда Россия спорт министры Олег Матыцин «Россиянең спорт мастеры» исемен бирү турындагы боерыкка кул куйды. «Сабантуй» спорт мәктәбендә шөгыльләнүче спортсменнарыбыз - Садыйков Салават һәм Закиров Инсаф әлеге зур һәм дәрәҗәле исемгә лаек булдылар.
-
2008-2009 елгы яшүсмерләр арасында баскетбол буенча ярышларда Сабалар 3нче урынны яулады
30 май көнне Кама Аланында 2008-2009 елларда туган егетләр арасында баскетбол буенча ярышлар булып узды. Әлеге ярышларда Түбән Кама, Кама Аланы һәм җыелма Саба командасы (“Сабантуй” спорт мәктәбе) көч сынашты. Тренерлар Шакиров Ш.Х. һәм Гречишников А.Н. җитәкчелегендәге команда ярышта өченче урынны алды, турнирның призерлар рәтенә керде.
-
Саба районы спортчылары хатын-кызлар арасында өстәл теннисы буенча Россия континенталь чемпионатында җиңделәр
Саба муниципаль районы спортчылары 25нче майдан 30нчы майга кадәр Сиверский шәһәрендә үткән югары лига хатын-кызлар командалары арасында өстәл теннисы буенча Россия континенталь чемпионатында җиңүчеләр булдылар. Спортчыларны һәм аларның тренеры Исмаилов Хайём Фарход улын котлыйбыз һәм яңа җиңүләр телибез!
-
Европа чемпионатының командалар ярышында Зилә Батыршина 3 нче урынны яулады
Европа чемпионатында Зилә Батыршина, Надежда Коновалова һәм Алинә Фазылҗанова хатын-кызлар арасында узган командалар ярышында өченче урынны яуладылар. Татарстан кызлары Чехия спортчыларын артта калдырып, Россия җыелма командасына тагын бер бронза медаль алып килделәр.
-
Президент спорт уеннарының финал этабы
27-29нчы май көннәрендә Зәй шәһәрендә Президент спорт уеннарының финал этабы булып үтте. Ярышка районыбыз данын якларга Саба гимназиясе командасы барды. Кызлар командасы җинел атлетика,өстәл теннисы ярышында 1нче урын, йөзү буенча 2 урын һәм волейбол уенында 3 урынны яуладылар. Саба гимназиясе командасын зур уңышлары белән котлыйбыз!
-
Зилә Батыршина Европа чемпионатының көмеш медален һәм Токио-2020 олимп уеннарына лицензия яулады
«Сабантуй» спорт мәктәбе спортчысы Зилә Батыршина Хорватиянең Осиек шәһәрендә узган пуля һәм стендка ату буенча Европа чемпионатында хатын-кызлар арасында «Скит» олимпия күнегүендә көмеш медаль яулады. Зилә Россиягә Токио-2020дәге уеннарга Олимпия лицензиясен алып килде. Зилә өчен бу хатын-кызлар арасында «Скит»та континенталь чемпионатның беренче медале.
-
Спортинг-компакт буенча ачык турнир «Мари иле Республикасы кубогының беренче этабы»
23нче майда Песчаный бистәсенең “Ату” үзәгендә спортинг-компакт буенча ярышлар булып узды. Әлеге ярышта “Сабантуй” спорт мәктәбенә йөрүче балалар да катнашты.
-
"Восточный барс-Көнчыгыш барсы» ушу буенча Татарстан Кубогы 70ләп катнашучыны җыйды
Казанның Бокс һәм өстәл теннисы үзәгендә ушу буенча «Восточный барс – Көнчыгыш барсы»Татарстан Кубогы башланды. Анда бөтен республикадан 70ләп спортчы катнашачак.