Рәшит Фәтхрахманов автор яңалыклары
-
Автомобильдән саклан! Тәпи йөрүдән файда булырмы?
Ульян өлкәсе губернаторы Сергей Морозов 10 декабрьдән башлап чиновникларга бер атна дәвамында эшкә хезмәт урыныннан бирелгән машинада килүне тыйды. Бу хакта ул Фейсбукта хәбәр итә. Мондый кискен адымга ул чиновникларның җәмәгать транспорты турындагы көр отчетлары белән танышканнан соң барган. Отчетта барысы да яхшы, ә халык шөкер итә белми, зарлана һаман. “Эшкә трамвай, автобусларда килсеннәр дә җәмәгать транспортының эше яхшы оештырылганмы икәнен белсеннәр“, – дип яза ул.
-
Бюджет акчасы кая коела?
Үткән атна ахырында Сингапурдан кайтышлый Владимир Путин Санкт-Петербургка сугылды һәм Пушкин шәһәрендә даруханәләргә керде. Юлбашчы илдә гарипләрне бушлай дару белән тәэмин итү системасының эшләмәвен алдан белеп, җитәкчеләрне “мунча кертергә” әзерләнеп килгән иде.
-
Дәүләт – түрәләр ул (фикер)
“Минем телем – минем дошманым” дигән гыйбарәнең хаклыгына тагын бер мәртәбәле чиновник – Свердловск өлкәсенең яшьләр сәясәте департаменты башлыгы Ольга Глацких төшенде. Кировоград шәһәрендә волонтер балалар белән очрашу вакытында ул: “Яшьләрдә, дәүләт безгә барысын да тиеш, дип аңлау туып килә. Юк, дәүләт сезгә принципта берни дә тиеш түгел. Сезгә сезне тудырган әти-әниләрегез тиешле. Дәүләт алардан сезне тудыруыгызны сорамады”, – диде.
-
Санкцияләрме?
5 ноябрь якынлашкан саен, Иран тирәсендә санкцияләр боҗрасы кысыла бара. Соңгы көннәрдә Иранга каршы санкцияләргә Кытайның да килеп кушылуы, янки йогынтысының әле дөньяда зур көчкә ия булуын күрсәтә. Кытайның нефть-газ корпорацияләре ноябрь аена Фарсы нефтенә заказ ясамадылар. Кызык: япон һәм һинд эре бизнесы да тыелган “кара алтын“нан баш тарта икән.
-
Кредит ятьмәсе: ватылмаган йомыркадан тәбә пешәме?
Россиядә микрофинанс оешмаларын чикләргә телиләр. Бер генә кредитын булса да түләүне кичектерүчеләргә микроәҗәт бирүне тыю тәкъдиме белән Кулланучылар җәмгыятьләренең халыкара конфедерациясе чыкты. Мондый фикер тиктомалдан гына барлыкка килми, билгеле. Ил халкы үзен беренче тапкыр иркенгә чыккан бозау кебек тота: бирәләр икән, теләсә нинди процент белән акча алырга атлыгып тора.
-
Фаҗигадән соң туган сораулар (фикер)
17 октябрьдә Кырымның Керчь шәһәрендәге политехник көллияттә булган фаҗига турындагы хәбәр интернет челтәрендә яшен тизлеге белән таралды. Башта уку йорты ашханәсендә газ шартлаган дигән мәгълүмат пәйда булды. Ул арада башына маска кигән кораллы кешеләр көллият студентларын атып йөри дигән куркыныч вариант тәкъдим ителде.
-
Сүндерегез утны! Түрәләр халыкны сакчыллыкка өйрәтергә җыена
Халык кесәсендәге соңгы тиеннәрне ничек суыртырга дигән сорау бүген табигый монополия вәкилләрен дә, чиновникларны да бертуктаусыз бимазалап тора. Яңа елдан Россия чүп түгүнең яңа системасына күчәчәк һәм әлеге хезмәтнең бәясе 4 тапкырдан алып 60 тапкырга кадәр үсәчәк дип куркыталар әнә халыкны. Канун әвәләүчеләр һәм чиновниклар илнең чүп астында калуына һәм чүплекләрдән чыккан искә тончыгып фетнә чыгаручы гыйсъянчыларга әнә шулай җавап бирергә җыеналар, имеш. Хөкүмәт исә электр энергиясе өчен тарифларны реформалап, тез астына сугарга җыена.
-
Өстәгеләргә – спектакль, халыкка – фаҗига
Укучыларның исенә төшерик: август ахырында без дөнья сәясәтенә кагылышлы кыска вакытлы фараз ясаган идек: “Конгресс карчыгалары үзләренә төп дошман итеп Россияне билгеләде, шулай булгач, токмачлар Россия – Америка мөнәсәбәтләре тирәсендә куерыр, ихтимал. Кремль үзе дә моның өчен сәбәпләрне мул бирә. Шул сәбәпле якындагы атналарда зур бер гауга кубуына әзер торыйк”.
-
Инфляция көткәндә
Соңгы көннәрдә республикада азык-төлек бәяләренең түбән төшүе турында игълан ясалды. Бәрәңге, помидор кебек яшелчәләргә сезонлы бәя төшү гаҗәп түгел. Гадәттә түшәмгә сикерү осталыгы белән безне таң калдырырга яраткан продуктларга да бәяләр аска шуган икән.
-
Бер җылы сүз җитәрме?
Быел җәй Россиянең мәгълүмат кыры әйләнчек сарык кебек пенсия яшен күтәрү темасы тирәсендә әйләнә дә тулгана. Көз якынлашкан саен, әйләнчеклек көчәя, чөнки, бердән, халык җәйге ялдан кайта һәм социаль протестларның көчәюе көтелә.
-
Дәүләт тилеләре
Үзенең тиле мантыйгы белән Россия сәясәтенә йогынты ясап, утыз елга якын бюджет тагарагыннан тукланып яшәүче Жириновский Facebookта яңа язмасы белән танылды. Бу юлы ЛДПР лидеры Россиядән качучы акыллы башларны тотып калуның яңа идеясен кертә: инглиз телен һәм башка чит телләрне мәҗбүри укытудан туктау һәм түләүле итү нияте белән уртаклаша.
-
Эшләгән саен эшлисе киләме? (фикер)
Авыл хуҗалыгындагы хәлләрне күзәткән саен, урманда акча алыштыру пункты ачкан куян турындагы мәзәк искә төшә. Куян конторасында 1 сумны 1 сум 20 тиенгә алыштырулары турында ишетеп, җәнлекләр шунда чабышкан. Төлке 1 сумны 1 сум 20 тиенгә алыштырган, башка җәнлекләр дә акчаларын сузган. Һәркайсы 1 сум биргән саен 20 тиен отыш ала икән.
-
Пенсия: буламы, бетәме?
Пенсия реформасы тирәсендә тартыш дәвам итә. Йомшак кәнәфиләр югарылыгыннан “быдло” булып күренгән массалар, ягъни халык пенсиягә чыгу яшен күтәрү кирәклеген аңларга теләми. Үзен “бөекләр”, “элита” дип санаучылар гыйбадларның бу аңгыралыгын, үз файдасына үзе каршы килүен төшенә алмый.
-
Сум каруселен әйләндергәндә
2014 елның декабрендәге коточкыч валюта паникасын һәм базарлар түнтәрелешен хәтерлисезме? Санаулы сәгатьләр эчендә ул чакта безнең кесәләрдәге урыс сумы ике тапкырдан да артыграк очсызланды да куйды, базар бәяләре түшәмнәрне ватып чыга башлады.
-
Пенсия яше тирәсендәге шау-шу
Үткән атнада пенсия яшен күтәрү мәсьәләсе тирәсендә сәяси биюләр дәвам итте. Үзәк сайлау комиссиясе рәисе Элла Памфилова Коммунистлар партиясенең пенсия яшен саклап калу өчен референдум үткәрү инициативасын: “Сорау аңлаешлы куелмаган“ дигән сылтау белән җиңел генә кире какты.